Liburu existentziala da Jat. Bildur barik aldarrika dezake hori idazleak. Ezin uka daiteke, ezin disimula daiteke.

Goizalde Landabasoren lana isiltasun ozen batean galtzen da, haizearen firi-fara altua ahul iritsiko balitzaio bezala kristal lodi baten ostetik, eta benetan sorgarria, benetan garrantzitsua, norbere hustasuna balitz bezala.

Goizalde Landabaso Deusto, 1970

Leioan ikasi zuen Kazetaritza eta kazetaria da lanbidez. Euskadi Irratian jarduten du azken urteotan, baina aldizkari zein egunkari ezberdinetan kolaborazio ezberdinak egin ditu. Alberdania argitaletxearekin kaleratu zuen Korte bat mesedez izan zen bere lehenengo liburua. Txalapartak kaleratu zuen Gutiziak lanean ere ipuin bat kaleratu zuen. Jat da bere lehenengo poesia liburua.