Fernando Morillok badaki gazteen unibertso nahasi eta zerratuena islatzen. Azpeitiarrak urteak daramatza gazte literatura jorratzen eta bere lanak ezagunak dira Euskal Herriko ikastetxe, ikastola eta institutu gehienetan.

Hala ere, eleberri honetan Fernando Morillo pauso bat haratago joan da, eta egitura bikoitza duen lana ondu du, neska-mutil biren agenda sekretua osatuz. Hirukote bat ardatz hartu eta istorio txikien amaraun kilikagarria sortu du azpeitiarrak. Idoia, Jon eta Gariren arteko harreman korapilotsuan sentimenduak, gezurrak eta kontraesanak dira nagusi, eta Morillok horiek denak lotu ditu lan zirraragarri honetan, tentsioa azkeneraino mantentzen duen eleberri zorrotz honetan.

Idoia eta Gariren egunerokoek erakutsiko digute gaur egungo gazteen unibertsoan zerk agintzen duen: zerk kezkatzen dituen, zerk motibatzen dituen eta zerk ematen dien amorru.

Elea Argitaletxeak Euskal Herriko Ikastolen Konfederazioarekin batera karrikaratutako lana, "Atari" bilduma berriaren lehen alea.

Fernando Morillo Azpeitia, 1974

Filosofia eta Fisika ikasitakoa da, bokazioz idazlea. Sari ugari irabazi ditu (CAF-Elhuyar, Donostia Hiria, Igartza, Euskadi Saria gazte literaturanÉ), eta zenbait liburu plazaratu, besteak beste: Bila nazatela, Sexu egunsentiak, Ortzadarra sutan, Izar-malkoak, Eta ni zer!, Arriskupean!, Gloria Mundi edo Dragoien orroa.