"Euskal Piratak" opari-liburu ikusgarria da. Euskal Herriko historiaren pasarte ezagun samarrak modu erakargarrian aurkezten dira hemen.

Honela, euskal pirata eta kortsarioen jardunak gordintasunez azaltzen dira, zinematografiak eta XIX. mendeko literaturak eman zien goxotasun guztia baztertuz: euren lapurretak, borrokak, oinazeak, ohiturak... Marrazkiek pixu handia dute liburuan, eta zehaztasunez jaso dira orduko janzkera, tresna eta bestelakoak, testuetan ere objektibotasun bera nabaritzen dela.

Irudiak Asier Sanz Nieto marrazkilari bilbotarrarenak dira, eta testuak Iñaki Mendizabal Elordi kazetariak bildu eta atondu ditu.

Iñaki Mendizabal Elordi Durango, 1968

Kazetaritzan aritu izan da azken hamalau urteotan. Gaur egun ELEAko arduraduna da.

Asier Sanz Nieto Bilbao, 1969

Hainbat hedabideetan kolaboratzen duen marrazkilari trebe eta ezaguna da. Besteak beste EiTB, TVE, Diario 16, Deia, Mundo Deportivo edo Mercado de Dinero-n argitaratu ditu bere irudiak eta tirak.

Literatur liburuak ere ilustratu ditu eta "La tira de risas-Athletic 1991-98" liburua argitaratu zuen 1998an. Urte berean umore grafikoko "Joven y brillante" lehiaketako Hirugarren Saria eskuratu zuen.