Bene-benetako bidaiarien idazlanek bertute adierazgarria izan ohi dute: deskribatzen diren esperientzia pertsonalak akuilatzaile ditugula, baina ez ditugula berdindu nahi. Lurraren eta pertsonaren arteko enkontrua deskribatzen dute idazlen horiek. Bidaiarien idazlanei esker mundua, drama naturalak, lurraldeak eta jendeak deskubritzen ditugu, eta protagonistaren bitartez pasio oinarrizkoenak senti ditzakegu: adorea eta beldurra, borondatea, iraunkortasuna, sena...

Liburu honen asmoa da gorabehera zirraragarriak bizi edo bidaia interesgarriak egin dituzten euskal gizonen presentzia gogoratzea. Lehenbiziko begi kolpean ez dirudi Euskal Herrian bidaia liburu ugari dugunik, ez kalitatez ez kantitatez; tradiziorik bada, haatik, ikusiko dugunez.

Euskal Herri osoan izan dira bidaiari harrigarriak, bai horie. Batez ere arrantzale eta marinel iaioak eta ausartak izan dira euskaldunak, baina bestelakorik ere agertuko dizu liburu honek: funtzionarioak, abenturazaleak, piratak, soldaduak, geografoak, biologoak...

Goazen, bada, abenturazale hauen irudiak lagun ditugula, txoko ezkutuetarantz, errealitate urrunetarantz eta kultura arrotzetarantz.

Ángel Martínez Salazar Nanclares de la Oca, 1957

Idazlea eta kazetaria. Hamabost bat liburu idatzi ditu, tartean, "Presencia alavesa en América y Filipinas" (1988); "Aquellos ojos extraños. Euskal Herria en los libros de viaje" (1995) eta "El señor de Itzea. Apuntes para una geografía barojiana" (2002).

Euskal komunikabide askotan idazten du eta aditua da bidaia eta bidaiari kontuetan. Laster gerra korrespontsalei buruzko liburua kaleratuko du.